Mhe. Lucy E. Mwakyembe Awatakia Wafanyakazi Heri ya Siku ya Mei Mosi

Ofisi ya Mbunge Viti Maalum, Mhe. Lucy E. Mwakyembe, imetoa salamu za heri kwa wafanyakazi wote wa Tanzania na duniani kote katika maadhimisho ya Siku ya Wafanyakazi Duniani (Mei Mosi).

Katika ujumbe wake, Mhe. Mwakyembe amewapongeza wafanyakazi kwa mchango wao mkubwa katika maendeleo ya taifa, akibainisha kuwa juhudi na kujituma kwao ndiko kunakoendesha uchumi na ustawi wa jamii.

Aidha, amesisitiza kuwa upatikanaji wa haki, maslahi na mazingira bora kazini ni msingi muhimu unaochangia uwajibikaji, nidhamu na maadili ya wafanyakazi. Ameongeza kuwa ni wajibu wa wadau wote, ikiwemo Serikali na waajiri, kuhakikisha mazingira ya kazi yanaboreshwa ili kuongeza tija na ustawi wa wafanyakazi.

Mhe. Mwakyembe amehitimisha kwa kuwatakia wafanyakazi wote maadhimisho mema ya Siku ya Mei Mosi, akihimiza kuendelea kufanya kazi kwa bidii, uadilifu na uzalendo kwa manufaa ya taifa.